Monday, 21st November, 2016

Am: 17:30

Suíomh: Áras an Uachtaráin

Reáchtáil an tUachtarán fáiltiú do thoscairí a bhí ag freastal ar Chomhdháil Dhomhanda na nGiúdach, eagras idirnáisiúnta atá ionadaíoch do phobail Ghiúdacha ar fud an domhain. Ina aitheasc, labhair an tUachtarán ar fhás na heagla, na héadulaingthe agus na heaspa comghéillte agus ar an tábhacht a bhaineann le dul i ngleic leis na treochtaí sin.   

Thug an tUachtarán le tuiscint go gcuireann prionsabail uilíocha chearta an duine, chomh maith le traidisiún Giúdach an uilíochais, na luachanna agus an bonn eiticiúil ar fáil dóibh siúd go léir ar mian leo domhan níos fearr a thógáil.