Ráiteas ón Uachtarán Micheál D. Ó hUigínn - Máire Ní Thuathail
Dáta: Lua 19th Meá, 2016 | 21:05
"Beidh brón mór ar gach éinne a bhfuil baint acu leis an chraoltóireacht,
agus leis an chraoltóireacht i nGaeilge ach go háirithe, de bharr bhás
roimh am Mháire Ní Thuathail.
Ní féidir an méid a rinne sí ar son na scannánaíochta agus na teilifíse in
Éirinn a mheas.
Ghlac sí leis an dúshlán TG4 a chur ar bun, d'fhorbair sí an stáisiún go
fonnmhar agus chruthaigh sí ceann de na sobaldrámaí is mó le rá d'ár linn,
is é sin Ros na Rún.
Bhunaigh sí stiúideo agus na háiseanna eile a bhí ag teastáil leis an
dúshlán seo a chur i gcríoch, agus thug a cúnamh agus a hoiliúint deis do
go leor aisteoirí óga tabhairt faoin aisteoireacht agus faoin chraoladh.
Cronófar go mór í, ní hamháin i measc an phobail chraolacháin, ach i measc
a clainne agus a cairde chomh maith.
Tá cur amach agam féin ar a cuid saothair, agus chuir scéala a báis brón
mór orm. Tá mé an-bhuíoch di as an méid a rinne sí ar son na
craoltóireachta Gaeilge.
Ar dheis Dé go raibh a hanam dílis."